Ik wait nait wat ik wil
Ik wait nait wat ik wil
Ik mot ain van baaide kaizen
Ik wil gain van baaid verlaizen
Ik wait nait wat ik wil

Ik hol van heur omdat ze laif is
En as ik in heur ogen kiek
Din wait ik da k bie heur wil blieven
Ik hol van heur zunder kritiek

Hai is het beste wat ik tegenkwam
Hai is mie ales, ales weerd
Hai is de man dij ik mie wenst heb
Hai is mien prins op t widde peerd

Mor hai wait nait wat e wil
Hai wait nait wat e wil
Hai mot ain van baaide kaizen
Hai wil gain van baaid verlaizen
Hai wait nait wat e wil

Ik hol van heur omdat ze mooi is
Veuraal heur lag kin k nait weerstoan
Din wait ik da k bie heur wil blieven
Al zel de wereld ook vergoan

Hai is mien eerste grode laifde
k Mot aan hom denken, dag en nacht
Ik wil met hom mien toukomst dailen
Op dizze man heb k aaltied wacht

Hai (Ik) wait nait wat e (ik) wil
Hai (Ik) wait nait wat e (ik) wil
Hai (Ik) mot ain van baaide kaizen
Hai (Ik) wil gain van baaid verlaizen
Hai (Ik) wait nait wat e (ik) wil

Drij is te veul, drij is te veul
En hou je t wenden of keren
Drij is te veul

Kiek hom doar nou stoan
As of e nait tot tien kin tellen
Luuster ais mien jong
Wie zellen die ais wat vertellen
Doe snapst toch wel dat t zo nait kin
En deurgoan het gain enkele zin
Kom wees ais flink en neem n besloet
Aans zeggen wie moi
En wees gegroet
Wat ons betreft is t oet

Drij is te veul
Drij is te veul
En hou je t wenden of keren
Drij is te veul

Ik wait nait wat ik wil
Ik wait nait wat ik wil
Ik mot ain van baaide kaizen
Ik wil gain van baaid verlaizen

Hai (Ik) wait nait wat e (ik) wil