Veur mien part gait t waarm wotter regen,
veur mien part gait t snijen
De snije mag oranje wezen, dat zel mie din benijen
Veur mien part gruien de bomen in grond
of draait de wereld deur
Ik vroag mie niks meer oaf, dat is naargens goud veur

Refr.:
k Vind die op de moane, ik vind die overaal
Doe bist veur mie n steerntje dij schient in het heelal
k Vind die zulfs in t duustern en in t filaine licht
k Vind die in mien dreumen mit baide ogen dicht
k Vind die in mien dreumen…………..

Veur mien part bin ik n hond of n kou, dat kin mie niks verschelen
k Wil die veur aaltied bie mie hollen, k wil ales mit die dailen
Veur mien part pakken ze n pronkjewail uut de golden raand
k Wil aaltied bie die blieven, aal is t mit kop in t zaand

Veur mien part gooien ze autoos op n kloede op de sloop
Ik zweer die dat ik bie die kom, op fietse of ik loop
Veur mien part krieg ik elke dag n klap van n meulenwiek
Din wait ik die nog te vinden, aal is t ook achter diek

Veur mien part zitst in Canada of in Guinee-Bissau
De kaans is groot da k bie die kom, k vlaig dr gewoon noar tou
Veur mien part bin ik n loeze op de rugge van n spinne
Din spring ik en din spring ik totdat ik bie die bin