I mecht so gera singa, mecht a gånz a liab's Liadle bringa,
und i hån scho a Idee für a wunderscheane Melodie!
Åber welche Worte wähla, damit sie jå koan Menscha quäla?
Und, vor allem über welches Thema, jå des fråg i mi!
Und i woaß, då brauchsch an brava Texscht,
weil du siesch no irgendwen erschrecksch.
Nur schea brav und jå koan schiafa Ton,
und i gloub, jå, jå i woaß o schon, wås i då tua:

I sing enk gånz a unschuldig's Liadle - Ouo!
I måch a gånz a liabs G'sicht, mit am Lächeln, das besticht - Ouo!
Und des gånz unschuldige Liadle - Ouo!
isch frei von der Politik und von Gesellschaftskritik - Ouo!
Des wird vielleicht no a Hit, då singa ålle Leit mit - Ouo!
Des geaht ja wirklig prächtig, und keinem Menschen isch verdächtig,
wenn i då dua, als gäb es nur heile Welt und Freude pur - Mhm.
Ålles åndere des kannt scho z'viel sei,
s'Leba kånn a kompliziertes Spiel sei,
åber davon isch bei mir koa Red', na i bin doch it bled!
Iatz braucht's no a scheanes Arrangement,
a zwoa, drei Gleggala - wås sasch iatz då? (Bim-Bam)
Und dånn isch der Ohrwurm fåscht perfekt.
hoff' nur, daß mi irgendwer entdeckt - möglichst båld!

Die gånze Zeit hört ma bloß Liader über Katastropha,
daß båld der Wåld stirbt und Transit.
und Liader über'n Regawåld, houba oft zwanzig Stropha,
jedoch darüber sing i it.
Daß mir des Meer verschmutza und daß insra Autos stinka,
jå und im Himmel isch a Loch.
Daß viela Menscha einsam sei und aus Verzweiflung trinka.
Na, na, davon erzähl i nix - oder doch?