A jeder verzählt mir nur des:
Es måcht viel Spaß im Cyberschpace!
Du brauchsch då nur a Tastatur!
Håsch Du s'richtig Kabel nur,
isch des wia Dei Nabelschnur
in a andere Sphäre - na habe die Ehre!

Mit'm Kino isch's o a Kreiz!
Da siechsch Du nur no Bits und Bytes!
Koa Star, der schwitzt oder stinkt!
Wenn dia gånze Walt in Trümmer sinkt
und der Held dånn nur a bissle hinkt!
Steigt o rundum der Smoke auf -
håt der no an Joke drauf!

Fåscht wia im richtiga Leba!
Fåscht wia im richtiga Live! Uoh!
Fåscht wia im richtiga Leba, doch fåscht nur eba!
Jå, leider nur fåscht!
Wia im richtiga Leba - åber leider nur fåscht!

Zum Beispiel beim Computerspiel,
då kriagsch fürs Leba echt a Gfühl!
Egal, wås dir o passiert:
Ob du explodiert bisch, massakriert bisch,
abgstürzt, aufgfresst, abserviert bisch!
Wås kånns då scho geba? Du håsch ja no a Leba!

Und isch des Leba fad für di,
dånn geit's jå Reality-TV!
Då leba dånn andere für Di!
Und dazwischa sei mir scho gegwöhnt,
dass dauernd die Werbetrommel dröhnt!
Und bei jeder Werbesendung håt ålls a Happy-Endung!

Oh, wenn dånn Ufos kehma, dia Di glei mitnehma -
hoaßt der Käpt'n sicher "Real-E.T."!
Oh, du sahsch: Des ko's it geba, jå, dånn isch es eba ...
.. fåscht wia im richtiga Leba ...