Ave plena gratiae, Mater misericordiae
sancta Maria
Per quam omnis gratiae fons ortus est
Ecclesiae, sancta Maria
Laude digna angelorum
sume laudes peccatorum
sancta Maria
Spes reorum, spes lapsorum
laetitia beatorum
sancta Maria
Te Gabriel laetificavit, te Paraclitus
obumbravit, sancta Maria
Pater summus magnificavit dum Filio matrem
creavit, sancta Maria
O gloria! O gaudium! Dum genuisti Altissimi
Unigenitum, sancta Maria
O Domina! O Dominum propitium fac nobis
tuum primogenitum, sancta Maria
Tuum per transiit gladius animam, cum in
crucifixi latere defixam cerneres lanceam
sancta Maria
Vincula, colaphi, corona spinea, arundo
flagella clavique te matrem corde cruentarunt
sancta Maria
O laetitia! O resurrexit Dominus
en Virgo, vivit tuus Filius
sancta Maria
O Regina! O regnat, vincit, imperat!
Non moriturus tuus unicus, sancta Maria
Nunc semper choros angelorum exaltata
a dextris Filii mater, regnas, caelesti gloria
circumdata, sancta maria
Nostri memor esto in misericordia, in hac
miseria, nos exules reduc ad aeterna
tabernacula, sancta Maria
O Virgo! O Domina! O Mater regina
sancta Maria