Intro: (2x zelfde regel: 1e keer instrumentaal
2e keer la,la,la,la,…….)


D'n daag dat veer us troffe, dat waor miech effe bôffe,
Dee vent, boe meinig meidske euver druimp.
Iech had d`ch ingesjaard zoonder twiefele
Wat dat betröf is niks verzuimp,

Mèr dat is lang geleije, en ouch precies de reije,
Mien hertsje klop nog altied vol l`amour,
En es 't eve kin, daan plak iech aon `m vas,
En fluuster dit daan in zien oer.

Mie lekker Poemelke, wat zouw 't leve zoonder diech toch zien,
Och lekker Poemelke, tot `ch noe dao mèr neet aon dingk,
Mie lekker Poemelke, al moot ouch soms gèt water bei de wien,
Och lekker Poemelke, 't is neet altied goud wat blingk.


De jaore die verstreke, en wat is noe gebleke,
Veer zien begônne aon us twiede jäög
De ganse daag zoe met z'n twiekes knoevele
't hèlt us joonk en gief us vräög.

V`r zien veurein gebore, us hertsjes gans verlore
'n aordig wäördsje kin gaaroet gein koet,
De vlinders in de boek goon weer kriebele
Iech laot m`ch goon en sjriew 't oet.