Ich weit nog wie Moder mit mich haet gesjpeeld,
en mich mit häör handjdoor mien haor haet gesjtreeld.
Die eèltige handj haet gezörg en gewirk.
Dat 't soms waal teväöl waas, haet nemes gemerk.

Mien Moder dèr henj höbbe noajts sjtil gesjtaon.
Mien Moder dèr henj höbbe alles gedaon.
Ze woare aan 't werk of tot baeje gevouwd.
Mien Moder dèr henj, nou, die woare van goud.

En saoves haet zie mich verhäölkes vertèld,
en same mit mich doezend sjäöpkes getèld.
Mien Moder dèr henj maakde dan tot besjloet,
veur 't sjlape ein kruuts, en 't lempke, ging oet.

Mien moder dèr handj haet mich baeje geleèrd,
häör henj höbbe veur de processie verseerd.
Ich weit neet of, nog de kapelkes besjtaon,
wo ich doe aan Moder dèr handj höb gesjtaon.

Mien Moder dèr henj hadde eindelijk rös.
Ich höb Moder dèr henj veur 't lètste gekös.
Ze lauge noe sjtil mer tot baeje gevouwd.

Ich weit nog dèn daag of 't deze daag is,
dat ich moders henj veur 't eèsj höb gemis.
't Woar net of de waereld veurgood sjtil bleef sjtaon.
Mien Moder dèr henj hadde alles gedaon.
Ze blieve veur mich tot in eeuwigheid goud..