De geschiedenis herhoalt zich weer
Fascisten in de Kamer, 't woor neet d'n eerste keer
Kommer en kwel is wat wurt verwach
De toekoms kristalhelder wie de nach

Want 't geit weer good
Ze zeuke weer eine sjterke man
Dae de elenj en de ozel
Van deze tied aankan
Eine man wo ze weer taege op kenne kieke
Dae dwars door ein moer geit
Desnoads euver lieke

refr.:
Doog de sjtevele mer weer aan
Zet de patsje mer weer op
Doa lik nog waal urges ein broen humme in de kas
Kense weer mit in de sjtramme pas

Brandjhout hobbe ze neet meer nodig
In plaatsj van beuk brenne noe videobenj
En missjien zal waal ooit 't Binnenhof branje
Mer det sjuuve ze weer zoone van der Lubbe in de henj

refr.

Boste neet van hie, mer komste van boete
Sjmiete ze dich ein flesj benzien door de roete
Jeder bietje kleur wurt weggesjaaf
De toekoms wurt blank, wie eine raaf

refr.