Ik zen de man, de man mè de zwarten dan,
In de kunst van, rap zaan, menne man,
Ik swing de pan, de panne van't dak,
Hoe rap da 'k da kan, ik zen toch ne krak,
Der is persies ne chip van compaq,
in menne kop geplant,
Ik klap zoe rap 't is nemieje plezant,
Ge moet me al vertroagd oep video afspele,
Zoeda ze wete wa'k aagelijk zit te kwele,
want ik zen nie te flitse, al vanaf ik lierde fietse,
Was ik mè menne draawieler nie te haave,
en onze pa moa daave / en nog achterblaave,

Lap 2de vers, en 't begint hie al direct in 4de vitesse,
en mè nen duvel of zes in men fles,
klap ik nog rapper dan me geld uit men tes es,
joa, ik zen zoe rap, da'k iedereen naar hoas klap,
moa bleft nog efkes…
oep school was ik ook rap / boategesmete,
moa ge moet begot wel is goe wete, da'k nen diplom hem in de raamwetenschappe,
da'k 2 keer rapper op nen beat kan klappe,
mè de precize van een incize,
en ge pakt exact ne vierkantsweutel gedeeld deu ê vierde,
komde op ê tempo rapper dan Luc van Lierde,

Ik smeer menne mond in, mè vaselin,
en ik begin en gaan deu,
Lek het nies 's nachts, soems stop ik onverwachts,
en dan 1,2,3… en ik zen weer baa,
Ik was't niewjaar al 10 minute eerder oan't viere,
Moar soms reagere men tongspiere,
Rapper dan men hersenmerg, en d-dd-d-an b-b-bb-begin te st-st stottere,
Moa das moar veu effe,maar da' s nie zo erg,
Men vlugge vingers weudde soms deu miekes misbegrepe,
Ze beginne al te motten voor da'k heb geknepe,
Men lief zegt ook altaad da'k te rap kom,
Maar ge wët wa ge hët aan een SKUD-raket,
Sneller dan't geload, redelijk gestoord,
Ik zit al oan de 2de zin als ge de eerste hoort,
Rapper dan ê kaske van Ikea ineengestoke,
en terug afgebroke en terug ineengestoke,
Rapper dan dagge royco minute soep kunt koke,
Dan Dodi Al fayed en Diana in nen tunnel,
Dan van Calais noar Dover mè de Chunnel,
Rapper dan boakloop,
Men toeng nooit in de knoop,
Dan de biene van Michael Flatley,
De linkse van Mohammed Ali
dan Bruce Lee, en rapper weg dan de koopkes van den Aldi….