refr.:
Een goed verstoander hef an een half woord genoeg
I-j hoeft 't fijne der niet altied van te wetten
Moar die smoesjes vin ik wel heel erg gezocht
As ik die geleuf bun ik bedretten

Ow onderboks ha-j binnenste buuten an
En ow behaatje was i-j kwiet
Moar as ik ow vroag hoe dat now zo kan
Aerobics of de tennisclub, moar ik gleuf ow niet

refr.

Ik kocht een Chevrolet Camaro van een joar of zes
De handelaar zei: "Hie hef hoas niks geleden
De veurige eigenaar was een onderwiezeres
En die was der alleen moar met noar de kerk gerejen"

refr.

Der bunt kwesties in 't leaven die soms moeilijk liekt
Moar as i-j dan es in de kerk goat vroagen
Hoe meneer pastoor en de dominee dat bekiekt
Dan zal wel blieken dat der een van beien hef gelogen

refr.