I chume nid zu Dir
Mi chasch nümme bueche
Nei, i wott nüt vo Dir
Kei Blueme a kei Chueche.


Dä Brief wo Du mir hesch gschriebe
I hane geschter übercho
Meinsch nid ou, Du heigsch übertriebe
Wenn Du schrybsch, i fähl Dir so.


I chume nid zu Dir
I tue Di nid bsueche
I wott kei Brief vo Dir
Kei Blueme a kei Chueche !


Syt denn woni furt bi gange
Isch scho viel Wasser d'Aare ab
Und i ha mi ziemlech guet ufgfange
Ja, i halte mi uf Trab.


I wott kei Brief vo Dir
Kei Blueme a kei Chueche
Wenn öpis wosch vo mir
De muesch mi scho cho bsueche.


Wenn Du schrybsch, i chönn Dir vertroue
De überzügt mi das nid ganz
I würd nie meh of Di boue
I blybe lieber of Distanz.


Ha Dir gäng gnue müesse bläche
Für chly Wärmi u Komfort
Drum chumm mir nid mit dyne Verschpräche
I gloube nüm a schöni Wort.


I wott nüt vo Dir
Mi chasch nümme bueche
Wenn öpis wosch vo mir
De chasch es ja versueche.