klakskes die peizn dasse der ntwa van kenne
voe gevoel van escalatie van de situatie
'n tring vertrekt en stopt noa in de volgende statie
min interventie is nihil
gif mie lucht woa i de ventilatie
200 man i getugge van min creatie in ne kelder van 6 ip 8
de zwjitende populatie wacht tot dak under lidn verzachte
ot ip gank komt ist machtig
80% apreciatie 20% minder dan ondert
ti prachtig oit van ip nen afstand kunt bewonderen
deur middel van de paranoia of te zondern
't vernedern van de ondernemers
van slichte probaties tot in de diepste vezel
't zin ezels ze stinken noar and van oude wuven en kwezels
prikkelborder dan won veruorzaekt deur de stekels van egels
beats mjir breekbaar dan badkamertegels of plinten
ki o de gegevens verzameld
kmoete ze oljinne moar utprinten

ik goa de controverse nie ut de weg
'k zegge minne zeg
stoat u niet an ton ei hie pech zeg
't resultaat van 't celibaat is verbaad
an gelofte's die opgeleid zin minne moat
vrie staat of reservaat of reservaat ipgesloatn in kootn
de kroatn kom ut u neuse vloeibaar lik geuze
op schampoo symbool voe min ego
wik datter tenminste nog van overbluft
verwaarloosbaar, zwaar utgedund
lik stuntman, 't volt ut lik 'n eletriek
in overstruomde caravan van toeristn in warme landn
'k wille nen opzetmarkt van ier tot in Japan
de voorzitter van koffielutten i bezig me teksten ut zin mouwe te schudden
'k oddet simpel 'k delve nie min eigen put
enk bedrivve de kunste voe min talenten omme te zetten
in een nieuwe vinyl skivve zegget moa ok overdrivve

ik ben gevangen en verlang noa beter dan nu nie dak
hele doagn zitn te kloagn of mie af te vroagn
woarom bluvn de meeste minsn dom
moar ik probere ze te bereikn van undere pla te doen enfin
ze leern zie a wat dat kik doarmee verdien
't is meskien roar moar 't is 't geboar dat telt
want in ne wereld vol geweld is geld nog 't enigste dat telt
ik ben nog lang genoeg verwend
ik ben content dak onder 'n dak meug weun
of in mien schoen steun
en a kik bie 'n regenvloage bin un skeuln goa mie
niet hoarn kloagn over onozele proat
woardat de meeste minsn under doagn mee vuln
woardat de meeste minsn under doagn mee vuln

de doagn van plezier zin gedoan
nu vloein der troan, de witte mars, grote farsn
en ze komen op stroate ol veel te loate
ze komen op stroate moar ol veel te loate, veel te loate

en voedat ze zin ont bouwn ist ol kapot gemoakt
deur een of andere statie, ze wistn der allemoal van
jun en de polite van corruptie
en ge bouwt op zand
we wistnt al van tevoarn
ze willen ons al in de grond boarn
en werk, ze zei het is een feit voor te vechte
ge stoat op under rechte
en stop nie achter een dag of twee en ei geen goeste nie meer
allé goat ma goan verzupen op café
't is juste 't es de jeugd die niet deugd en 't zin de vremdelingn
hoart zo al die slichte dingn
steek ze tegoarn in 't zelfde skof
moar ier is same loape zenne tof
breken under theorie en of

de doagn van plezier zin gedoan
nu vloein der troan, de witte mars, grote farsn
en ze komen op stroate ol veel te loate
ze komen op stroate moar ol veel te loate, veel te loate

de mondioale miserie in oezne mondo bizarro
begun nu ut te mondn in ool de mondn die gezoamelik begun te knoagn
en terstond nie te kloatn niemji kun vergroagn
der wern reedns gegeevn voe bezwoarn te moakn
en in vloagn goan oes woagn an tstoakn van malaise
de witte kroagn goan oes nie bstign lik ne stier een jonge vaise
me goan nie verslapn
me loatn oes nie versmachtn lik de petatn in ne groatn me maynaise
me loatn oes nie verkoapn in delhaize
de politieke parasietn probeern oes van oolachtern in oes gat te pakn
mor ik e ze ik e z aleise
't etablissement in een boane rond de wereld
tzin perels voa de zwins die lik winazin de tootn doen vertrekn
en ede groate bekn bie de nekn stekn
en de spiern verrekn in kritieke plekn
me goan gebukt onder tjuk van oes unifoerm bestoan
tzin de joarn die begun te teln
van tgewichte van oes collectief genetisch geheugn
tzoe nie meugn zin, dam oes nie meugn verheugn
ip gewentn die underzelvn van de norm ofwendn
lik mezik ut izegem
ze goan niet anders kun dan de provincie westvloanderen te ken
ze zuln oes niet temn wol ool zoen ze in een referendum drover stemn
me vindn de fortitude voer ut oezne put te klemn
me loatn oes niet ofremn deur de krachtn die der zin
en de skin dat de moatskappie zoagezeid i verfind
me legn de wonde bloat me doe dongloavige doad
en me stoan te zwoain met oeznen ofgedroaide kloat