de woazige foaze gebeur vlak achter de congee
ti were zoverre kben were nog ne kji petee
de twidde resurrectie gebeur vinain de canapee
de sessie is ip boane en min zwakke moatjes kunn nie mee
niet iederjin i voe krachpatser utgesneen
twer ier beter gebold dan met de veloos van de ploeg ven oncee
lik een woaterstof bomme moakn me widre nen entree
ti gin toeval van de vjirtien hits ip nandern elpee
ist gin woa der zal wel wern verstoan
tis ozoa dat de boann des leevns bstoan
de koann datter wern verkreegn
tot an doagte ven de moann van dander planeetn
derderkes loagn bie nachte teegn dek in ne staminee
in ne plas bier me sef van arimatee
nillige moagd zit onder ntoag van de cafee
en de drie wizn komn nog niet ut de wc
ze zin nog nie bekomn van under gueuzediarree
en me ne skjifgeleegnen bmw
i de goe voader vertrokn noa de kust van st-tropez
bring mor u familie en u moatn mee
en stik mo june wiet in june portemonnee
en joag ne kji tzwin deur de bjitn ip jin of andern td
volkoorn entertainment lik ip club dorothee
noensdagachternoene me dssin animee
capitaine flam tu n'est pas de notre galaxie
ik e compri datter niemand goa begunn van ier tot an capri
en wok niet in de streekn ven twjistroamnland
dus in da verband wert er nie gekloat me nie
osteblief zeg sisi zegt dai gie

zest dai gie en jun spoans oagn g oan wachtn achter mie
goai ier nog zin oek mornuchtnd min oagn oopndoe kwedet niet
kwedet nie, kwedet nie

twa ne skuon avond in de zommer van 't jaer 98
we wiern ipgeropen voe ne show te doe en liefst nen goed
kzeie ti goed, ip oes kuj rekenen, en een eure laeter
woark' ip bane, zonder 'h eten tin

plekke voer oeznen oto te zetten was een illusie
wan ip de vuorziene spot voer oes stoengter ne moto guzi
nu ja, tzat azuo,
won ingelik nie vee goeste voe met oes matterial te sleuren
en nu moest dat toch gebeuren
'n twintigtal minuten laeter en achter nog een bitje gekallefater
angekom an backstage met zwjitwaeter ip oes vuoruoft
goater mpeten bie zin joegne, hot da nie geluoft
min goeste wier (tereke) geduoft
over 't algeljin meugdje wetten dat de gasten
diet minste met de zaeke te maekn in
de grotsn bek ipzetten
en ier was 't were van deen
de smirigen jaloeskaert liet oes nie bin wan
joa hin paske rond oesne nekke gezien
ik probeerde nog ut te leggen
da me jist moestn bin groaken, voen paske te kriegn
mor j liet mie zeggen en je bljif zwiegen
de circel van (min) geduld wa rond
en achter minne rappe reksn robbeldehie ip de grond
koste nimmi irn doa moest er geslegen wirn
discussieren wa nimmi meuglik
enk doe da pertank girn
tis toch woa paul jambers, kostekik niet anders
die gast was ambetanter dan een bende zat ollanders
kzitte juste 2 minutn ip min gemak
weliswoar ip nen bierbak, de gierege zak
enfin oe moeket zeggen
van achter mei wuorik nu getjilp
't kom doa n meiske van rond de twintig noa Keizer Filip
de wufje is was an tatern en doen moa ze lat mie ni grust
gasten lastigvoln daddie bliekbaer ne must
ik hildig moa van ja knikken, nerveus me min vinger ip taefel tikken
twier tit dazzet besefte, kginge verstikken
pakt osteblief uw bazatze, skartet an noa de zaele
z'o nog niet teure wik dak wilde zeggen twa pertank klaere taele
ze zei moa joegne toch 'ge zit omuoge gevoln en arrogant
kzei en gie ton, ge meug gezien zin moa ge zi zwaer degoutant