Twi MC's en jinne DJ, arter dan art lik ne stoalne ke. Der è niemand grodder, 't skippet niemand vodder en vo sucker-MC's zimme widder Big Brother.

Moa woedn oeze weetnskap voe oeszelvn en loatn oeze persuon deur stoef bedelvn. 't Zin hjille verhoaln en me goant u verteln en me kun' ondertussn de champagne besteln.
't Is ier de K-O-W-L-I-E-R, 'k smitte ol me geld en da doe gin zjir. Ol die jonge meistjes noemn mie menjir. Ik kriege telefongnummers kjiér achter kjié, mô ik benne gentil, surtout teegne
zie, mô teegn eur nichtje mô da wit ze nie! En ton moestet komn, kpanikjire nie. 'k Uur e
koamer van drieje in de petit ami.
Wudder zin 't Hof-van-co-mmerce, bof emme gern en tis gin dikke farce. Va 's nuchtens toe 's avends en van ier noa doa. Oak wandel' ip stroate of oak e twoa stoa. Ik goa nooi nie stoppn, ik doe oltid vuort, pakt de micro uut mien hand en ik pleege ne
muord. Ton werrekik keunink van den bak en kriege een eign bladje ip den almenak.

We kun' nie stoppn en we goan nie stoppn, want stoppn è niet voer oes! Want de rappers teegnwoordig, vintje, 't è ginne vetn, en jin vo jin zin z'ol jaloes. Dus we kun nie stoppn en we zuln nie stoppn, want stoppn è niet voer oes! Want widder eetn kaviaar en foie gras en zidder appelmoes.

Wel ik noeme Flip en ik benne hip, minne noame stoa geskreevn ip u lief der slip. 'K moake compact
discs en e videoclip en we bwurn in je pietje lik nen microchip. 'k Ben bekend van ier tot in Hong Kong.'k E nen bar in mien us me ne privé-garçong. 'k E nen nieuwen draodloozn telefong, ik e twi droaitoafels en ne sauccisong.
Goaj u viengers oflekn ip oezne show, lik een kiekn an't spit of nen tournedos, sause van koas en orloffgebroad min eetn serveern e nen goein doad. 'k Ben joenen dessert en ik servere min eign. Wuuvje, kzoe wel ne kji joen zoadel bestijgn, moa kgoat nie doen want ge riekt nor andjoen en get de contour van ne woatermeloen.

We kun nie stoppn en we goan nie stoppn, want stoppn è niet voer oes! Want de rappers teegnwoordig, vintje,'t è ginne vetn, en jin vo jin zin z'ol jaloes. Dus we stoppn nie me rockn, zelfs al zoen me moetn knokn, hjille noaties goame te lif. En anter brokn van komn zin ze zidder stagiair en zimme widder boas and'n unif.

Ik ben Serge B en ik fjiste nie mee, moa ik goa me je wuuf nog de wuuve wc. En ik goa van dien en ik doe azwo en 'k pakke ze ton ip de lavabo. Ik e gel in min hoar, ik e eau de toilette, kostelike kleern en een zwembrevet. Ik ben ne mens ip een missie en met ne pris ip min uoafd, en 't vier dak ik stichte wêr nie uutgeduofd.
Ik ken e leerne veste van e koalf lik gie, kbenne bejubeld deur den elft van de dinasty.
Ne lacoste boi en een broek van Chipiôlst, iederjin van overolst e zit van mie. Rock & roll en gjin text mi, drie ki per dag doekik zwoar an seks. Wuvje, moe nie drect betoaln, k anvèrre wok checks. Kom overoal ter wèreld, juste lik Fed-ex.

We kun nie stoppn en we goan nie stoppn, want stoppn e niet voer oes. Want de rappers teegnwoordig, vintje, 't è ginne vettn, en jin voe jin zin z'oal jaloes. Dus we kun' nie stoppn en we zullen nie stoppn, want
stoppn è niet voer oes!Want wider eetn kaviaar en foie gras en zidder appelmoes.
Dus...
We kun nie stoppn en we goan nie stoppn, want stoppn e niet voer oes! Want de rappers teegnwoordig,
vintje 't è ginne vettn, en jin vo jin zin z'ol jaloes. Dus we stoppn nie me rockn, zelfs ol zoeme moetn knokkn, hjille noaties goame te lif.
En ander brokkn van komn zin ze zidder stagiair en zimme widder boas an d'n unif. ROCK!


(c) 't Hof Van Commerce