Quand sol, tá dá na bô
Bô sorriss, é um paisagem florid
Bô cara, tá lembra`m bondad
Bô presensa, na mi ê tcheu...

Más vez ume oiób, nha spirt inriqcê
Ume tá sinti, um mnine mimód
Más vez ume oiób, nha spirt inriqcê
Ume tá sinti, um mnine mimod

Bôs odjo risonh tá imbala`m
Bô pêl morena di criança...

Quand mar, tá d'squebrá n' areia
Onda cristalina, tá fazem sonhá
Bô jête, ê natural, di criança...
Na mi ê tcheu

Más vez ume oiób, nha spirt inriqcê
Ume tá sinti, um mnine mimód
Más vez ume oiób, nha spirt inriqcê
Ume tá sinti, um mnine mimód

Bô pêl morena tá imbalám
Bôs oi risonh tá imbala`m
Era um sonho...