As doe niks meer tegen mie zegst
Mok dan toch nog proaten
Tegen hom of tegen heur
Tegen lege stroaten
De dag zo zwart en veuls te kold
En ik schenk mie nog ain in
Dan kroepen de wiezers nait zo troag
Is de pien ook nait zo slim
Mok dan nog proaten

As doe nait meer 'trusten zegst
Mok dan toch nog sloapen
Trek de loakens om mie tou
Dou of ik mout goapen
De nacht zo zwart en veuls te kold
En ik schenk mie nog ain in
Dan kroepen de wiezers nait zo troag
Is de pien ook nait zo slim
Mok dan nog sloapen

As doe nait meer noast mie ligst
Mok dan toch nog opstoan
Schoef gordien mar weer opzied
Zie de zun nait opgoan
De dag zo zwart en veuls te kold
En ik schenk mie nog ain in
Dan kroepen de wiezers nait zo troag
Is de pien ook nait zo slim
Mok dan nog opstoan