Scétate scé! Scétate scé!
Jàmmo a vedé addo' spónta 'o sole
ch'è assaje chiù bello quanno chiòve
pe' ce scaldà, pe' ce asciuttà
Scétate scé! Scétate scé!
Ê vvote po' passà 'a furtuna
che nun aspetta maje a nisciuno
e se ne va… e se ne va…
Ma ce sta sèmpe 'a paciénza ca nun ce abbandona
ce sta speranza pe' chi è malamente e chi è bbuóno
Napule ce vo' bbène
e nun ce po' 'ngannà
Scétate scé! Scétate scé!
E guadagnàmmoce 'a jurnata…
Chi sta scetato sta scetato
e ce 'a po' ffà… e ce 'a po' ffà…
Scétate scé! Scétate scé!
E scìnne 'ntèrra 'a chistu liétto
muòvete sùbito a chi aspiétte
datte da fà… datte da fà…
Scétate scé! Scétate scé!
Sbatte cu 'a capa dint' 'o muro
e chianu chiano ogni paura
te passarrà… te passarrà…
Ma ce sta sempe 'a paciénza ca nun ce abbandona
ce sta speranza pe' chi è malamente e chi è bbuóno
Napule ce vo' bbène
e nun ce po' 'ngannà
Scétate scé! Scétate scé!
Che stuorto o muorto nun si' fesso…
Si nun ce staje se passa appriésso
senza pietà… senza pietà…