Dá mbeinn fhéin in Aird Uí Chuain
In aice an tsléibhe 'tá i bhfad uaim
B'annamh liom gan dul ar cuairt
Go gleann na gcuach Dé Domhnaigh

Is iomaí Nollaig a bhí mé fhéin
I mBun Abhann Doinne is mé gan chéill
Ag iomáint ar an trá bháin
Is mo chamán bán ins mo dhorn liom

Agus och och Éire 'lig is ó
Éire lionn dubh agus ó
'Sé mo chroí atá trom agus bronach

Nach tuirseach mise anseo liom fhéin
Nach n-áirim guth coiligh lonndubh nó traon
Gealbhán, smaolach, naoscach fhéin
Is chan aithním fhéin an Domhnach

Agus och och Éire 'lig is ó
Éire lionn dubh agus ó
'Sé mo chroí atá trom agus bronach

'Sé seo an choraíocht atá buan
Ar an tsaol go gcuirfeadh sé cluain
Mheallfadh sé an chaora ón uan
Agus mheall sé uaimse an óige

Agus och och Éire 'lig is ó
Éire lionn dubh agus ó
'Sé mo chroí atá trom agus bronach

Dá mbeadh agam coite is rámh
D'iomairfinn liom ar dhroim a' tsnáimh
'S mé ag duil le Dia go sroichfinn slán
Is go bhfaighinn bás in Éirinn

Agus och och Éire 'lig is ó
Éire lionn dubh agus ó
'Sé mo chroí atá trom agus bronach
Agus och och Éire 'lig is ó
Éire lionn dubh agus ó
'Sé mo chroí atá trom agus bronach